मोरङ । पुरस्कार वितरण तथा सांस्कृतिक कार्यक्रम गर्दै मोरङ्गको पथरिशनिश्चरे–९ मा रहेको प्याराडाइज इङ्ग्लिस बोर्डिङ स्कुलले शनिबार २१ औँ वार्षिकोत्सव मनाएको छ ।
विद्यालय व्यवस्थापन समितिका अध्यक्ष सुरेन्द्र लिम्बूको सभापतित्वमा भएको कार्यक्रममा गत शैक्षिक सत्रमा प्रथम, दोस्रो र तेस्रो हुने विद्यार्थीहरूलाई पुरस्कार वितरणको साथै नृत्य, गायन, नाटक तथा वतृत्व कला प्रस्तुत गर्दै वार्षिकोत्सव तथा अभिभावक दिवस मनाएको हो ।
पथरीशनिश्चरे वडा नं. ९ का वडा अध्यक्ष वीरबहादुर राईको प्रमुख आतिथ्यतामा भएको कार्यक्रममा तुला बराल, वडा सदस्यद्वय जङ्गबहादुर कार्की, कृष्णमाया नेपाली, छविन्द्रमानसिंह कार्की, टेकबहादुर मगर लगायतको उपस्थित रहेको प्रिन्सिपल होमनाथ घिमिरेले बताए ।
